得意既手機遙控玩具

係網上見到好似幾好玩以手機黎遙控既玩具, 好想試試呀 ^0^

2014 世界杯

2014 世界杯, 又要捱更抵夜嚕...

4年一度既世界杯又開鑼, 今年巴西係主辦國, 自然會成為頂頭大熱, 而自己就鐘意荷蘭隊, 都希望荷蘭隊能夠攞返一屆世界杯, 圓圓我既心願

夏日炎炎食甜品

進入炎熱既夏天, 係時候食下啲凍冰冰既甜品, 最好梗係可以順便食埋生果啦 ^0^

甜品 - 招牌西瓜大少

點解背景好似有啲... =.="

終結... 一代手機 Nokia

近日係網上睇到有關 Microsoft 將完成收購 Nokia 旗下裝置與服務部門既新聞, 雖然自己未用過 Nokia 既手機 (唔知點解唔鐘意依個牌子... =.=") 但都幾令人感慨, 係 Motorola 摺機 (Startac 系列) 後, 就係 Nokia 既輝煌時刻既開始, 重記得開始大 Hit 既型號係 8210, 當時手機可以換殼真係可以話係創先河, 仲有不得不提當時可以打機, 遊戲名叫 "貪食蛇", 應該有用開 Nokia 手機既用家唔會陌生, 雖然我未用過 Nokia 手機, 但有啲機都幾鐘意, 例如 N96... 直到 Apple 既 iphone 革命性既出現, 而 Nokia 既市場策略錯誤, 令到一代手機龍頭淪為被收購既結果, 真係深深體驗到一句歌詞 "變幻原是永恒"既道理...

未知被收購後既 Nokia, 會否係 Microsoft 手上再重振雄風還是一沉不起而從此消失 (將會改為 Microsoft Mobile 不再用 Nokia), 就留比時間去見證吧!

Nokia Connecting People 既口號, 曾經很深入民心

放放假, 煲煲劇

復活節有幾日假期, 昨天買左個 "小米盒子", 梗係唔好浪費個假期, 首先煲返套復仇者聯盟第2季啦 ^^

復仇者聯盟第2季, 開始啦

復仇者聯盟第2季故事, 仍然圍繞住美國隊長

非一般的 "米"

煲劇都興左一排, 自己有時會睇下動漫, 而且間唔中都會睇波, 而係朋友與同事之間近排成日聽到 "小米盒子" 睇波, 由於屋企人亦會睇波, 係再三考慮下終於決心買左回家, 依個 "小米盒子" 其實只係主要用黎睇電視/電影 app 既電視版 Android device, 雖然亦都可以玩到遊戲好似手機咁, 不過當然唔好期望好似手機咁玩到咁順暢啦, 始終佢既硬件配置比手機弱啲... (自己亦無諗過會用黎打機 =.=) 設定亦非常簡單, 好快就搞掂欣賞節目 ^^

凳凳凳凳, 小米盒子出場 

設定完成後, 就可以睇節目啦 ^0^

日版手機

LG 日本推出的 isai FL, 設計得真係好靚

近年手機出得又快又多款, 而且手機廠會分別推出本地版同國際版, 而香港會歸入去國際版, 但唔知點解國際版永遠比本地版差啲, 例如少啲儲存,無換電同無外置插咭等... 而日版手機會好過國際版, 但外型好多時會比國際版靚, 甚至比原來本地版靚, 網上睇到將係日本推出的 LG isai FL, 外型真係靚到無得彈, 唔知幾時香港會有依類型無奄割版 + 樣靚既手機呢...