非一般的 "米"

煲劇都興左一排, 自己有時會睇下動漫, 而且間唔中都會睇波, 而係朋友與同事之間近排成日聽到 "小米盒子" 睇波, 由於屋企人亦會睇波, 係再三考慮下終於決心買左回家, 依個 "小米盒子" 其實只係主要用黎睇電視/電影 app 既電視版 Android device, 雖然亦都可以玩到遊戲好似手機咁, 不過當然唔好期望好似手機咁玩到咁順暢啦, 始終佢既硬件配置比手機弱啲... (自己亦無諗過會用黎打機 =.=) 設定亦非常簡單, 好快就搞掂欣賞節目 ^^

凳凳凳凳, 小米盒子出場 

設定完成後, 就可以睇節目啦 ^0^

日版手機

LG 日本推出的 isai FL, 設計得真係好靚

近年手機出得又快又多款, 而且手機廠會分別推出本地版同國際版, 而香港會歸入去國際版, 但唔知點解國際版永遠比本地版差啲, 例如少啲儲存,無換電同無外置插咭等... 而日版手機會好過國際版, 但外型好多時會比國際版靚, 甚至比原來本地版靚, 網上睇到將係日本推出的 LG isai FL, 外型真係靚到無得彈, 唔知幾時香港會有依類型無奄割版 + 樣靚既手機呢...

好好笑既 Only You

日前睇到李力持導演既訪問, 令我諗返起周星馳, 而星爺其中一套戲裡面既歌 <Only You>, 再重睇都仲覺得好好笑

好歌推介 @ Beyond - 不再猶豫

無聊望見了猶豫（誰人沒試過猶豫）
達到理想不太易
即使有信心鬥志卻抑止
誰人定我去或留
定我心中的宇宙　
只想靠兩手向理想揮手　

△問句天幾高心中志比天更高
自信打不死的心態活到老
OH......我有我心底故事
親手寫上每段得失樂與悲與夢兒
OH......縱有創傷不退避
夢想有日達成找到心底夢想的世界　　終可見

OH......親手寫上每段得失
樂與悲與夢兒
OH......夢想有日達成　
找到心底夢想的世界　　終可見

韓劇 @ 來自星星的你

韓劇都 hit 左好耐時間, 而近排特別 hit 一套韓劇 "來自星星的你", 由全智賢,金秀賢主演, 有新聞報道過現實有女友要求男友要好似套劇咁對女友, 究竟套劇如何好睇呢? 對於一個唔追電劇既我, 就真係要抽啲時間睇吓套劇有咩咁吸引人喇 ... =.=

好歌推介 @ 張學友 - 真情流露

又再繼續冰冷的一天

點解暖得果一陣, 而家又要凍返