2009年7月13日星期一
變形金剛 - 旺角新世紀廣場展覽1
上星期到旺角買街霸4同 Joystick 手制, 巧合咁經新世紀廣場搭火車, 見到果度擺緊變形金剛展覽, 以配合宣傳變形金剛2電影, 唔望尤只可, 一望真係不得了, 有很多以前出既變形及新出既變形金剛, 雖然唔係全部都放晒係度, 但都可以回味一番 ^.^
2009年7月5日星期日
變形金剛 - 鋼鎖篇
之前一路講既變形金剛都係由汽車變機械人, 今次到介紹既主人翁就係由恐龍變機械人 - 鋼鎖, 我記得第1次收到既變形金剛既禮物就係恐龍族啦, 不過就唔係鋼鎖, 而係淤泥, 係我的四姨送給我的其中一年生日禮物, 不過細個果時唔係太懂珍惜, 未能保留到而家！ (自己都唔記得點樣無左 =.=")
雖然收過禮物, 但細個時時唔算太熟悉依班恐龍型既成員, 只知佢地係博派及共有5位成員 (鋼鎖 - 暴龍, 火炭 - 三角龍, 淤泥 - 雷龍, 吼叫 - 劍龍, 飛撲 - 無齒翼龍), 並且係力大無窮, 但就唔算太有智謀 ...
經過多年後, 有一次同老友 Terry 去旺角兆萬, 發現有一對變形金剛, 佢係鋼鎖同火炭, 商議後我地夾份一人買一個 (因為無得分開買 >.<), Terry就要火炭, 我就要鋼鎖。 雖然係"的式"形既玩具, 變成機械人時亦唔算太靚, 但真係佔好小空間, 並且我真係好鐘意恐龍形態, 一個字 good, 其實依款玩具係出晒一組成員5隻, 希望有機會買埋佢地啦, 唔駛得鋼鎖一個孤軍作戰 ^0^ 一連三篇既變形金剛玩具回憶, 勾起我唔少童年回憶, 希望日後繼續買d玩具再放上 blog 度分享下
機械人形態既鋼鎖
暴龍形態既鋼鎖, 型~~
仲有附送既貼紙, 到而家還未貼上玩具度, 諗住只係好好保存隻玩具, 所以唔貼d貼紙上鋼鎖度。
2009年7月4日星期六
變形金剛 - 柯柏文篇
今次就輪到講柯柏文啦, 睇過變形金剛都會知道博派既首領係柯柏文, 佢都可以話係由變形金刪由頭打到尾既角色, 雖然中途佢死左轉過第2個做首領, 但因為佢太深入民心, 最終佢都再次復活帶領博派對抗狂派。
開始睇變形金剛時就已經 like 佢, 但就一直以來都無買過佢既玩具, 係一次偶然係旺角見到有Q版柯柏文, 心諗咁耐以來都未買過柯柏文 (亦因另一個原因所以一直以來都無買), 見佢盒仔細細又唔會佔好多位, 所以就決定帶佢返家 ^^
雖然Q版柯柏文唔係太多關節, 但就可以變成一架貨櫃車仔, 一來簡單, 二來又可變身, 所以依個Q版柯柏文我都覺得好滿意 (主要係可以變車仔 ^0^) 重有除左Q版柯柏文, 重有推出過Q版洛迪文同Q版密加登, 但可惜當時我對其餘2隻無興趣, 所以無買埋佢地同Q版柯柏文做室友, 如果日後有機會再見到既話, 都可能埋佢地返家同Q版柯柏文做室友 ^^
幾日前同女友睇左電影版既變形金剛2, 雖然戲中d機械人唔可同卡通機械人相比, 但讚嘆而家既電腦特技, 做到好似真既一樣, 真係值得佩服, 還有又多番變形金剛既玩具推出, 希望依套卡通可以繼續流行啦！
還有支槍仔送, 楂住支槍仔既柯柏文都幾型仔0家 ^^
2009年6月29日星期一
變形金剛 - Jazz篇
近日電影上變形金剛第2集, 好多身邊既人都話好睇, 所以過 1, 2 日會同女友去睇, 但亦因為咁, 搞到我心思思攞返以前買左既玩具變形金剛黎把玩一番先, 可能自己對買玩具要求高, 好難先買得心頭好, 故現在係屋企既玩具暫時只有變形金剛 (真係巧合), 今次先會寫細個時最鐘意既 Jazz ...
記得喺我小學時, 無線播放變形金剛, 當時真係好震撼, 因為果段時間好少機械人可變身並且係自己自由行動, 所以播放以來就一直追看, 最初鐘意首領柯柏文, 因為覺得佢係首領好威風, 帶領住博派, 而以前好多零食都會附送玩具, 故同大佬開始成日儲錢買依d零食玩具, 並且好想抽中柯柏文, 可惜到最後都係失望收場 (一來難抽中, 二來到抽中時, 竟發現因配件問題而導致合唔成為一個完整既玩具 ...), 而且越出越多機械, 難免有變心出現 ...
當中副隊長Jazz, 因為佢變身時較為特別, 久而久之就開始鐘意佢, 它是按保時捷 935 Turbo 跑車設計, 並且變身後係咁多隊員中最為特別及最型的, 所以一直鐘意到而家, 由於細個時沒有咁多錢買玩具, 所以好多時都係儲好耐錢先買到一個, 而 Jazz 又係好少出玩具, 所以要等到大個時先帶佢返屋企 (對唔住呀, 嗚嗚...)
把玩佢時成日都會勾起細個時既畫面, 真係好多回憶同好開心 ^0^
車頭左邊既感熱貼紙, 用手指按一陣會變色, 當時真係好 Hit~~
機械人型既 Jazz, 真係好有型 ^0^
記得喺我小學時, 無線播放變形金剛, 當時真係好震撼, 因為果段時間好少機械人可變身並且係自己自由行動, 所以播放以來就一直追看, 最初鐘意首領柯柏文, 因為覺得佢係首領好威風, 帶領住博派, 而以前好多零食都會附送玩具, 故同大佬開始成日儲錢買依d零食玩具, 並且好想抽中柯柏文, 可惜到最後都係失望收場 (一來難抽中, 二來到抽中時, 竟發現因配件問題而導致合唔成為一個完整既玩具 ...), 而且越出越多機械, 難免有變心出現 ...
當中副隊長Jazz, 因為佢變身時較為特別, 久而久之就開始鐘意佢, 它是按保時捷 935 Turbo 跑車設計, 並且變身後係咁多隊員中最為特別及最型的, 所以一直鐘意到而家, 由於細個時沒有咁多錢買玩具, 所以好多時都係儲好耐錢先買到一個, 而 Jazz 又係好少出玩具, 所以要等到大個時先帶佢返屋企 (對唔住呀, 嗚嗚...)
把玩佢時成日都會勾起細個時既畫面, 真係好多回憶同好開心 ^0^
車頭左邊既感熱貼紙, 用手指按一陣會變色, 當時真係好 Hit~~
機械人型既 Jazz, 真係好有型 ^0^
保時捷 935 Turbo 跑車型態既 Jazz
2009年6月27日星期六
20-6-09 @ 再次探訪老友 Terry 家
與老友 Terry 約好, 上去佢屋企吹水, 但因為上半場要去女友屋企, 所以遲左去下半場, 但唔緊要, 去到 Terry 家, 吹水, 食飯同打機, Terry 搬左出黎真係唔同左, 比我感覺真係唔同左, 做家務呀, 重有煮飯咁, 以前好少聽到佢會做, 並且d味真係唔錯, 得閒真係要再打擾 Terry 啦 ...
係 Terry 處借左神兵F, 好耐無睇香港漫畫, 再睇番對香港漫畫有d改觀, 故事性真係比以前改善左, 起碼無咁拖, 但畫面方面仲可以進步, 希望有一日我會再買番香港漫畫啦 ^^
有飯又有酒, 好飽呀~~
訂閱：
文章 (Atom)