變形金剛 - 柯柏文篇

今次就輪到講柯柏文啦, 睇過變形金剛都會知道博派既首領係柯柏文, 佢都可以話係由變形金刪由頭打到尾既角色, 雖然中途佢死左轉過第2個做首領, 但因為佢太深入民心, 最終佢都再次復活帶領博派對抗狂派。

開始睇變形金剛時就已經 like 佢, 但就一直以來都無買過佢既玩具, 係一次偶然係旺角見到有Q版柯柏文, 心諗咁耐以來都未買過柯柏文 (亦因另一個原因所以一直以來都無買), 見佢盒仔細細又唔會佔好多位, 所以就決定帶佢返家 ^^

雖然Q版柯柏文唔係太多關節, 但就可以變成一架貨櫃車仔, 一來簡單, 二來又可變身, 所以依個Q版柯柏文我都覺得好滿意 (主要係可以變車仔 ^0^) 重有除左Q版柯柏文, 重有推出過Q版洛迪文同Q版密加登, 但可惜當時我對其餘2隻無興趣, 所以無買埋佢地同Q版柯柏文做室友, 如果日後有機會再見到既話, 都可能埋佢地返家同Q版柯柏文做室友 ^^

幾日前同女友睇左電影版既變形金剛2, 雖然戲中d機械人唔可同卡通機械人相比, 但讚嘆而家既電腦特技, 做到好似真既一樣, 真係值得佩服, 還有又多番變形金剛既玩具推出, 希望依套卡通可以繼續流行啦！

未變身前既Q版柯柏文, 同正常柯柏文無乜分別, 都係咁威風, 但多左份可愛感覺


變成貨櫃車形Q版柯柏文

還有支槍仔送, 楂住支槍仔既柯柏文都幾型仔0家 ^^

變形金剛 - Jazz篇

近日電影上變形金剛第2集, 好多身邊既人都話好睇, 所以過 1, 2 日會同女友去睇, 但亦因為咁, 搞到我心思思攞返以前買左既玩具變形金剛黎把玩一番先, 可能自己對買玩具要求高, 好難先買得心頭好, 故現在係屋企既玩具暫時只有變形金剛 (真係巧合), 今次先會寫細個時最鐘意既 Jazz ...

記得喺我小學時, 無線播放變形金剛, 當時真係好震撼, 因為果段時間好少機械人可變身並且係自己自由行動, 所以播放以來就一直追看, 最初鐘意首領柯柏文, 因為覺得佢係首領好威風, 帶領住博派, 而以前好多零食都會附送玩具, 故同大佬開始成日儲錢買依d零食玩具, 並且好想抽中柯柏文, 可惜到最後都係失望收場 (一來難抽中, 二來到抽中時, 竟發現因配件問題而導致合唔成為一個完整既玩具 ...), 而且越出越多機械, 難免有變心出現 ...

當中副隊長Jazz, 因為佢變身時較為特別, 久而久之就開始鐘意佢, 它是按保時捷 935 Turbo 跑車設計, 並且變身後係咁多隊員中最為特別及最型的, 所以一直鐘意到而家, 由於細個時沒有咁多錢買玩具, 所以好多時都係儲好耐錢先買到一個, 而 Jazz 又係好少出玩具, 所以要等到大個時先帶佢返屋企 (對唔住呀, 嗚嗚...)

把玩佢時成日都會勾起細個時既畫面, 真係好多回憶同好開心 ^0^


車頭左邊既感熱貼紙, 用手指按一陣會變色, 當時真係好 Hit~~


機械人型既 Jazz, 真係好有型 ^0^

保時捷 935 Turbo 跑車型態既 Jazz

20-6-09 @ 再次探訪老友 Terry 家

與老友 Terry 約好, 上去佢屋企吹水, 但因為上半場要去女友屋企, 所以遲左去下半場, 但唔緊要, 去到 Terry 家, 吹水, 食飯同打機, Terry 搬左出黎真係唔同左, 比我感覺真係唔同左, 做家務呀, 重有煮飯咁, 以前好少聽到佢會做, 並且d味真係唔錯, 得閒真係要再打擾 Terry 啦 ...

係 Terry 處借左神兵F, 好耐無睇香港漫畫, 再睇番對香港漫畫有d改觀, 故事性真係比以前改善左, 起碼無咁拖, 但畫面方面仲可以進步, 希望有一日我會再買番香港漫畫啦 ^^

有飯又有酒, 好飽呀~~

23-5-09 @ 探訪老友 Terry 家

老友 Terry 搬左去葵芳住, 梗係要約埋一班朋友去 Terry 家到看看啦。 老 Paul, 阿滔同佢女友及我一齊上去, 但可惜謝智偉同李偉權亦唔能夠黎, 真可惜, 如果齊人就好啦, 因為太耐無見可以齊人同聚下...

約左係新都城 "豐澤" 度等, 大家夾份買左個微波爐比 Terry 做入伙禮物。 之後就直去 Terry 屋企, 真係如 Terry 所講地鐵好近佢屋企, 好快就上到佢屋企, 感覺真係唔錯, 比想像中大同乾淨, Terry 介紹佢屋企後, 我地一班人就玩大富翁, 因為阿滔女友唔舒服, 我地玩左一舖後食野, 我地嗌左 "Pizza Hut" , 食完就再玩過大富翁, 原本再諗住玩多一陣, 可惜太夜阿滔女友要走, 所以阿滔同佢女友走先 ... 咁 Terry, 老 Paul 同我三個就吹多陣水, 我地真係老啦, 大家傾計都圍繞結緍呀, 工作呀既話題, 但真係太耐無見啦 (同老 Paul 都起碼成年無見), 果刻我又回想番大家十幾年前重一齊讀書果段時光, 好似昨日既事咁, 真係唔覺我地由讀書後分開左十幾年, 依刻我感覺真係友情無價...

老 Paul 都就快結緍, 希望老 Paul 都生生性性啦 (講笑 ^^), 有個幸福婚姻啦!

見到 Terry 搬出黎, 自己都希望快 d 都好似 Terry 咁搬出黎過自己既生活啦, 到時再約齊成班出黎再吹過水!


同老 Paul 都起碼成年無見, 梗係要影番張相留念啦~~

18/5/09 - 休閒一天 + 回憶

終於辭左職啦, 比自己休息一天差電, 真係成個精神晒 (同以往放假唔同, 今次因為唔駛諗住公司既野, 真正既休息, 我等左好耐啦 ~~~ )

咁耐無 update 個 blog, 因為自己要考試 (考番會考英文), 好, 言歸正傳, 今次想講既唔係考成點, 而係想講而家 d 考生同我十幾年前中五時真係好大分別, 以前 d 食煙既係 "理" 埋一邊食, 而家直情係學校門口食, 真係唔 "瀉" 你。 到正題啦, 而家既中五女生同以前比真係唔同晒, 打扮同以前真係天壤之別, 以前果 d 讀書既係 "薯" 同 "實力派", 而家好多都打扮好 "潮" 同好識打扮, 唔怪之得而家 d "0靚" 仔無心機讀書啦, 仲有既係, 考試最早走個班反而係 d "薯" 同 "實力派"既女仔, 真係唔係親身體驗都唔信 >_<

還有老友 Terry 終於如願如女友搬出去住啦, 係度恭喜佢先 ~~~ (希望我都可以盡快實現願望啦!)

5/4/2009 @ 旺角雅蘭 - 碌冧法式越南料理

依段時間心情很不穩定, 令到好耐無 update blog, 希望自已可以盡快收拾心情啦 ...

除了忙外, 差不多成3個星期無同女友出街 (唔係公司食飯, 就係女友唔舒服), 今天終於可以出街啦 ^^, 經過一輪選擇, 選左旺角雅蘭的 "碌冧法式越南料理"食中午。

去到地方都ok呀, 又唔係太多人, 我地點左午市套餐 - 生牛肉河粉, 另加多個牛油雞翼, 基本上味道都好味, 係一個唔錯既選擇 ^^

黎緊又係女友的生日, 所以今天順便帶女友去看看已選左 (自已選左) 既禮物 "wii", 希望女友鐘意啦 ^0^

順帶一提, 過年時買的 DC (SONY - W170), 影出黎既相真係唔錯, 一個字 "GOOD", 過多一排有時間會詳細再了解部機所有 function同埋影相技巧



生牛肉河粉, 上時是未落湯, 會即場落湯, 唔錯 ^^

好好味的生牛肉河粉 ~~

生牛肉河粉的調味配料

牛油雞翼

14/2/09 - VALENTINE DAY

一年一度的情人節又到, 不過今年禮物+花比好多時間去預備, 所以睇左好多野同地方先去決定係邊到買同買乜野. 今年決定買好D既送比女友獎勵下佢對我的愛啦 ^^

約左係尖咀地鐵站等, 之後我地去 Haggen Dazs 食雪糕, 可能近排成個環境太差同我本身太多野煩啦, 依一刻我覺得我成果人好 Relax同好舒服, 之後拿出情人節禮物, 眼中見女友開心滿意的樣子, 一早預備真係無錯既 (下一年情人節我又要開始諗定送乜 =.=), 一路食一路傾, 真係好 Happy!

之後去唱 K, 去左 "紅盒" 度唱, 我要盡情發洩自己不開心, 唱唱唱 ....

到左晚餐啦, Book 左 798 Unit 度食, 但價錢都唔平, 為左令女友開心, 唔緊要啦
- 頭盤係伏特加西瓜沙冰/車厘茄白酒啫喱/牛油果三文魚他他/意太利青瓜蛋餅/法式鴨肝醬, 好少見同食到依 d 頭盤, 感覺有 d 搞笑, 味度一般啦 (不過有次序食, 侍應解釋由清到濃食會好 d)

由左邊向右邊方向食

- 湯就乳鴿清湯/西班牙蕃茄凍湯/澆南瓜湯/芹菜莖忌廉湯 (不過都係有次序食, 都係同一道理, 不過係每款都只得一杯, share 黎飲, 講真真係幾 sweet ^^)


- 到主菜有兩款選, 女友選左煎澳洲牛柳, 我就選燒銀鱈魚, 味度一般啦

我選的燒銀鱈魚


女友選的煎澳洲牛柳

- 甜品就係意大利奶凍 + 朱古力曲奇/綠茶/小麥/士多啤梨/粟米片味粉未, 食法係由飲管剷少少粉再放落杯奶凍度食, 又係幾搞笑, 味道到係一般啦 (女友就唔多喜歡小麥味, 因為太似好立克味 ...)


- 之後到餐茶, 女友飲咖啡, 我就飲檸茶
成個晚餐就完成左, 咁梗係護女友返歸啦, 我的一天情人節任務就完成, 今次比上幾年我覺得做得好左, 但仍有不足, 希望以後再可進步同改善啦 (好, 今次就比自己 80分啦 ^^)