20-6-09 @ 再次探訪老友 Terry 家

與老友 Terry 約好, 上去佢屋企吹水, 但因為上半場要去女友屋企, 所以遲左去下半場, 但唔緊要, 去到 Terry 家, 吹水, 食飯同打機, Terry 搬左出黎真係唔同左, 比我感覺真係唔同左, 做家務呀, 重有煮飯咁, 以前好少聽到佢會做, 並且d味真係唔錯, 得閒真係要再打擾 Terry 啦 ...

係 Terry 處借左神兵F, 好耐無睇香港漫畫, 再睇番對香港漫畫有d改觀, 故事性真係比以前改善左, 起碼無咁拖, 但畫面方面仲可以進步, 希望有一日我會再買番香港漫畫啦 ^^

有飯又有酒, 好飽呀~~

23-5-09 @ 探訪老友 Terry 家

老友 Terry 搬左去葵芳住, 梗係要約埋一班朋友去 Terry 家到看看啦。 老 Paul, 阿滔同佢女友及我一齊上去, 但可惜謝智偉同李偉權亦唔能夠黎, 真可惜, 如果齊人就好啦, 因為太耐無見可以齊人同聚下...

約左係新都城 "豐澤" 度等, 大家夾份買左個微波爐比 Terry 做入伙禮物。 之後就直去 Terry 屋企, 真係如 Terry 所講地鐵好近佢屋企, 好快就上到佢屋企, 感覺真係唔錯, 比想像中大同乾淨, Terry 介紹佢屋企後, 我地一班人就玩大富翁, 因為阿滔女友唔舒服, 我地玩左一舖後食野, 我地嗌左 "Pizza Hut" , 食完就再玩過大富翁, 原本再諗住玩多一陣, 可惜太夜阿滔女友要走, 所以阿滔同佢女友走先 ... 咁 Terry, 老 Paul 同我三個就吹多陣水, 我地真係老啦, 大家傾計都圍繞結緍呀, 工作呀既話題, 但真係太耐無見啦 (同老 Paul 都起碼成年無見), 果刻我又回想番大家十幾年前重一齊讀書果段時光, 好似昨日既事咁, 真係唔覺我地由讀書後分開左十幾年, 依刻我感覺真係友情無價...

老 Paul 都就快結緍, 希望老 Paul 都生生性性啦 (講笑 ^^), 有個幸福婚姻啦!

見到 Terry 搬出黎, 自己都希望快 d 都好似 Terry 咁搬出黎過自己既生活啦, 到時再約齊成班出黎再吹過水!


同老 Paul 都起碼成年無見, 梗係要影番張相留念啦~~

18/5/09 - 休閒一天 + 回憶

終於辭左職啦, 比自己休息一天差電, 真係成個精神晒 (同以往放假唔同, 今次因為唔駛諗住公司既野, 真正既休息, 我等左好耐啦 ~~~ )

咁耐無 update 個 blog, 因為自己要考試 (考番會考英文), 好, 言歸正傳, 今次想講既唔係考成點, 而係想講而家 d 考生同我十幾年前中五時真係好大分別, 以前 d 食煙既係 "理" 埋一邊食, 而家直情係學校門口食, 真係唔 "瀉" 你。 到正題啦, 而家既中五女生同以前比真係唔同晒, 打扮同以前真係天壤之別, 以前果 d 讀書既係 "薯" 同 "實力派", 而家好多都打扮好 "潮" 同好識打扮, 唔怪之得而家 d "0靚" 仔無心機讀書啦, 仲有既係, 考試最早走個班反而係 d "薯" 同 "實力派"既女仔, 真係唔係親身體驗都唔信 >_<

還有老友 Terry 終於如願如女友搬出去住啦, 係度恭喜佢先 ~~~ (希望我都可以盡快實現願望啦!)

5/4/2009 @ 旺角雅蘭 - 碌冧法式越南料理

依段時間心情很不穩定, 令到好耐無 update blog, 希望自已可以盡快收拾心情啦 ...

除了忙外, 差不多成3個星期無同女友出街 (唔係公司食飯, 就係女友唔舒服), 今天終於可以出街啦 ^^, 經過一輪選擇, 選左旺角雅蘭的 "碌冧法式越南料理"食中午。

去到地方都ok呀, 又唔係太多人, 我地點左午市套餐 - 生牛肉河粉, 另加多個牛油雞翼, 基本上味道都好味, 係一個唔錯既選擇 ^^

黎緊又係女友的生日, 所以今天順便帶女友去看看已選左 (自已選左) 既禮物 "wii", 希望女友鐘意啦 ^0^

順帶一提, 過年時買的 DC (SONY - W170), 影出黎既相真係唔錯, 一個字 "GOOD", 過多一排有時間會詳細再了解部機所有 function同埋影相技巧



生牛肉河粉, 上時是未落湯, 會即場落湯, 唔錯 ^^

好好味的生牛肉河粉 ~~

生牛肉河粉的調味配料

牛油雞翼

14/2/09 - VALENTINE DAY

一年一度的情人節又到, 不過今年禮物+花比好多時間去預備, 所以睇左好多野同地方先去決定係邊到買同買乜野. 今年決定買好D既送比女友獎勵下佢對我的愛啦 ^^

約左係尖咀地鐵站等, 之後我地去 Haggen Dazs 食雪糕, 可能近排成個環境太差同我本身太多野煩啦, 依一刻我覺得我成果人好 Relax同好舒服, 之後拿出情人節禮物, 眼中見女友開心滿意的樣子, 一早預備真係無錯既 (下一年情人節我又要開始諗定送乜 =.=), 一路食一路傾, 真係好 Happy!

之後去唱 K, 去左 "紅盒" 度唱, 我要盡情發洩自己不開心, 唱唱唱 ....

到左晚餐啦, Book 左 798 Unit 度食, 但價錢都唔平, 為左令女友開心, 唔緊要啦
- 頭盤係伏特加西瓜沙冰/車厘茄白酒啫喱/牛油果三文魚他他/意太利青瓜蛋餅/法式鴨肝醬, 好少見同食到依 d 頭盤, 感覺有 d 搞笑, 味度一般啦 (不過有次序食, 侍應解釋由清到濃食會好 d)

由左邊向右邊方向食

- 湯就乳鴿清湯/西班牙蕃茄凍湯/澆南瓜湯/芹菜莖忌廉湯 (不過都係有次序食, 都係同一道理, 不過係每款都只得一杯, share 黎飲, 講真真係幾 sweet ^^)


- 到主菜有兩款選, 女友選左煎澳洲牛柳, 我就選燒銀鱈魚, 味度一般啦

我選的燒銀鱈魚


女友選的煎澳洲牛柳

- 甜品就係意大利奶凍 + 朱古力曲奇/綠茶/小麥/士多啤梨/粟米片味粉未, 食法係由飲管剷少少粉再放落杯奶凍度食, 又係幾搞笑, 味道到係一般啦 (女友就唔多喜歡小麥味, 因為太似好立克味 ...)


- 之後到餐茶, 女友飲咖啡, 我就飲檸茶
成個晚餐就完成左, 咁梗係護女友返歸啦, 我的一天情人節任務就完成, 今次比上幾年我覺得做得好左, 但仍有不足, 希望以後再可進步同改善啦 (好, 今次就比自己 80分啦 ^^)

24-28/1/09 新年活動

話咁快又差不多過埋個新年假, 希望新一年人人都事事順利啦, 自已亦一切順利啦 ^^

24/1 (年三十晚) , 同老死佳及忠去澳門玩, 出發前先到佳屋企, 因為忠哥又遲到, 好啦, 人齊出發啦, 多年無來過 (我諗都五年多), 好多野都變晒 (其實只係多左好多賭場), 我地咁多次去澳門, 次次都去唔成大三巴, 今次終於一償多年心願, 了結左個心願, 臨走都係入番我地主場回力博殺 (只得一個字到時間玩), 最後當然風吹雞蛋殼啦 (我都叫忠哥買細啦, 只差1點真係可惜, 唔係就過個肥年啦 =.= 鳴鳴...)


得償所願到大三巴, 當然要留倩影啦 ~~


佳哥幾有型, 擺 Pose 呀 (其實我偷影佢, 嘻嘻) ~

忠哥成日話自己肥, 但係咁掃街, 有相為証呀!

27/1 (年初二), 為了老死忠哥學識踏單車, 我同佳兩人陪佢係好凍天時教佢踏單車, 雖然當中有超高速抄車 (我親眼目睹成個過程) 同還車時踏到甩鏈, 但都好彩, 最後都話晒叫做踏到直線, 之後去碌 Ling, 去玩我既弱項, 當然 "魚皮" 收場 (但都有打過火雞0家!), 唔得, 我下次一定要唔包尾!

學神上車, 幾掂咁喎 ~

超高速抄車, 但不流一滴淚 (重笑笑口, 係咪跌傻左呀), 勁呀 ~~~

3 - 4/1/09 @ 相聚

3/1/08 - 放工去左觀塘 APM 度等老細, 等老細黎左後, 去左味千度食, 之後送左老細番屋企, 咁就完成任務, 但原本約左上 FRIEND 度, 但老細電腦有問題, 故放了 FRIEND 飛機, 真係唔好意思 =.=

4/1/08 - 今日去老細度整機, 到佢樓下買左老麥上去佢屋企一齊食, 感覺好好 FEEL, 之後努力一輪後完成任務就打道回府 ...

2日都見面, 雖然好平淡, 但內心好舒服, 突然覺得好幸福 ~~