新添致 - SONY TABLET S

平板電腦都興左一排, ipad2 細佬又有, 但自己無睇啱, 因為要求好高, 又要高階效能, 最主要係要 "型", SONY 依部就滿足到我, 加埋 D 配件, 又可變成數碼相架等多用途電子產品, 讚!!!

與 Android Robot  合照, 型!

平心而論, ipad2 個順滑度比 Sony 依部 Tablet S 好, 但拿上手既手感 Tablet S 可謂贏晒, 尤其拿來睇漫畫一流, 拿出街用真係好正, 遲 D UP 埋 ICS4.0 唔知會點呢, 好心急想快 D 試吓 ~.~

生日禮物

很開心，今年收到老死 Terry 送既生日禮物 "天威勇士"，喺度要再一次多謝佢，tks \(^0^)/

<天威勇士>既名句 ~ 有黑暗的地方就有光明，有邪惡的地方就有正義！

傳說中的 iPhone 4S

蘋果今天開買 iPhone 4S, 等我都影張相先 ^0^

那些年 我們一起追的女孩

近排上緊套好 hit 電影 [那些年 我們一起追的女孩] , 自己好少睇依d 愛情電影, 成日都覺得依d片有好多悶場, 但見套片咁 hit 同咁高票房, 咁不妨去睇睇, 竟然比我到我一個驚喜...

未睇戲之前, 本身未睇過本小說, 只係喺報紙娛樂版上睇過 d 新聞, 只係知個故事講導演九把刀既曾經一段感情, 所以所知唔多, 到戲院入場前, 戲院門口竟然排滿好多人等入場睇依套戲, 都算係我近依幾年好少見到既情境, 心諗套片真係咁好睇 ??=_=??

直至睇完成套戲, 我覺得依套戲真係值得比錢去睇, 導演九把刀拍返自己既關係, 好多感情及友情位都睇得出拍得好細緻, 套戲沒有睇開既一般愛情片咁激盪, 而整套片算係好平靜咁描述, 但整套片沒有冷場, 除左愛情, 還有很多搞笑及熱血等元素放喺入邊, 令我完全無看錶等完場既感覺...

整套戲令我最感動有兩幕, 第一幕係男主角喺學校辦左個格鬥活動, 但男主角最後打輸之餘, 重得唔到女主角認同, 並與女主角喺雨中吵左一場架後大家分開左 (但其實男女主角由頭到尾都無一齊過), 果個位真係好 touching, 好登男主角可憐... 而另一幕分開左二年後, 男女主角一直沒有再聯絡, 當中一日突然發生地震, 男主角出走學校外打比女主角作出問候及互相表白內心既一幕, 真係好令人感動 ~.~

套戲其中表達對愛既人雖然唔能夠一齊, 但因為愛佢而學會放手並希望佢得到幸福, 令我都身同感受及明白當中既意思, 而整套片都無咩境及特別場面, 但都可以拍到一套咁好睇既片, 希望日後都多 d 依 d 小品可以吸引到我再睇, 咁我就開心啦 ^0^

電影主題曲《那些年》官方正式MV

一切重頭

係 facebook 見到依個 group  <牽了手，就不要輕易放手>, 覺得裏面講既野, 好有意思

好鐘意裡面講既: "分手時,沉默是最好的問題,最圓滿的答案, 當我了解, 不愛了, 連回憶都是負荷" 雖然得幾句, 但講得好切底, 了解到當中意思, 我都要切底忘記, 要從傷痛、失眠既痛苦中釋放自己...

梁靜茹首歌 <可惜不是你>, 當中幾句 "感謝那是你, 牽過我的手, 還能暖我胸口", 希望依幾句作為對妳既多謝及終結畫上句號...

我會努力, 由今天開始一切重頭