偶然機會下發現0既有趣短片
2009年7月18日星期六
2009年7月14日星期二
變形金剛 - 馬格斯篇
終於到我家中最後一個玩具啦, 佢就係馬格斯, 最初佢是在劇場版出場, 可惜他不是主角, 但佢是唯一由柏柯文手中接捧做博派首領, 雖然係好短暫, 但已對佢印象好深 (它的人氣其實都好高, 甚至高過當時主角洛迪文, 一直都登佢不值做不到主角)
買左佢起碼都 7-8年, 有次請假無返工, 出左去旺角度逛逛, 在一間玩具店度發現出左此馬格斯既復刻版買, 而自己一直都無買過柯柏文既玩具, 其實馬格斯是由與柯柏文相似既主體再合一個貨櫃架組合而成, 經多番掙扎後, 決定買佢返屋企 (直到而家都覺得好抵買, 因為感覺一次買左2個玩具返屋企)
因為變形金剛2電影關係, 所以就攞番它出黎把玩下 (因為攞出黎既工程好浩大 >0<), 因為太耐無取過出來, 所以要d時間諗諗如何砌成馬格斯, 不過最後都完成使命 ^^
貨車型態, 比柯柏文還帥
未組合貨櫃架前既型態, 其實與柯柏文差唔多樣, 只係轉左係白色
最終型態既馬格斯, 型爆~~
馬格斯玩具都曾經買過廣告 (雖然唔係原本顏色, 但都值得回味), 去片~
雖然此復刻版既機械人型態時只有局部活動關節 (因要就貨車型態關係啦), 但佢都係我鐘意玩具既一員 ^0^
2009年7月13日星期一
變形金剛 - 旺角新世紀廣場展覽1
上星期到旺角買街霸4同 Joystick 手制, 巧合咁經新世紀廣場搭火車, 見到果度擺緊變形金剛展覽, 以配合宣傳變形金剛2電影, 唔望尤只可, 一望真係不得了, 有很多以前出既變形及新出既變形金剛, 雖然唔係全部都放晒係度, 但都可以回味一番 ^.^
2009年7月5日星期日
變形金剛 - 鋼鎖篇
之前一路講既變形金剛都係由汽車變機械人, 今次到介紹既主人翁就係由恐龍變機械人 - 鋼鎖, 我記得第1次收到既變形金剛既禮物就係恐龍族啦, 不過就唔係鋼鎖, 而係淤泥, 係我的四姨送給我的其中一年生日禮物, 不過細個果時唔係太懂珍惜, 未能保留到而家！ (自己都唔記得點樣無左 =.=")
雖然收過禮物, 但細個時時唔算太熟悉依班恐龍型既成員, 只知佢地係博派及共有5位成員 (鋼鎖 - 暴龍, 火炭 - 三角龍, 淤泥 - 雷龍, 吼叫 - 劍龍, 飛撲 - 無齒翼龍), 並且係力大無窮, 但就唔算太有智謀 ...
經過多年後, 有一次同老友 Terry 去旺角兆萬, 發現有一對變形金剛, 佢係鋼鎖同火炭, 商議後我地夾份一人買一個 (因為無得分開買 >.<), Terry就要火炭, 我就要鋼鎖。 雖然係"的式"形既玩具, 變成機械人時亦唔算太靚, 但真係佔好小空間, 並且我真係好鐘意恐龍形態, 一個字 good, 其實依款玩具係出晒一組成員5隻, 希望有機會買埋佢地啦, 唔駛得鋼鎖一個孤軍作戰 ^0^ 一連三篇既變形金剛玩具回憶, 勾起我唔少童年回憶, 希望日後繼續買d玩具再放上 blog 度分享下
機械人形態既鋼鎖
暴龍形態既鋼鎖, 型~~
仲有附送既貼紙, 到而家還未貼上玩具度, 諗住只係好好保存隻玩具, 所以唔貼d貼紙上鋼鎖度。
2009年7月4日星期六
變形金剛 - 柯柏文篇
今次就輪到講柯柏文啦, 睇過變形金剛都會知道博派既首領係柯柏文, 佢都可以話係由變形金刪由頭打到尾既角色, 雖然中途佢死左轉過第2個做首領, 但因為佢太深入民心, 最終佢都再次復活帶領博派對抗狂派。
開始睇變形金剛時就已經 like 佢, 但就一直以來都無買過佢既玩具, 係一次偶然係旺角見到有Q版柯柏文, 心諗咁耐以來都未買過柯柏文 (亦因另一個原因所以一直以來都無買), 見佢盒仔細細又唔會佔好多位, 所以就決定帶佢返家 ^^
雖然Q版柯柏文唔係太多關節, 但就可以變成一架貨櫃車仔, 一來簡單, 二來又可變身, 所以依個Q版柯柏文我都覺得好滿意 (主要係可以變車仔 ^0^) 重有除左Q版柯柏文, 重有推出過Q版洛迪文同Q版密加登, 但可惜當時我對其餘2隻無興趣, 所以無買埋佢地同Q版柯柏文做室友, 如果日後有機會再見到既話, 都可能埋佢地返家同Q版柯柏文做室友 ^^
幾日前同女友睇左電影版既變形金剛2, 雖然戲中d機械人唔可同卡通機械人相比, 但讚嘆而家既電腦特技, 做到好似真既一樣, 真係值得佩服, 還有又多番變形金剛既玩具推出, 希望依套卡通可以繼續流行啦！
還有支槍仔送, 楂住支槍仔既柯柏文都幾型仔0家 ^^
訂閱：
文章 (Atom)