24/12/08 - 26/12/08 @ 平安夜 > Boxing Day

終於聖誕節啦

24/12 - 平安夜果日同老細去左佐敦既 Novotel 食平安夜 Buffet, 食物不算多, 但味道都可以, 而當中同老細最欣賞鵝肝, 攞左幾轉, 但牛柳就一般, 食落不夠腍, 還沒有生蠔, 真可惜, 不過都還可以接受, 而進食中途收到老細送既禮物 - "銀包", 真感動 ~~~

之後老細朋友話看燈飾, 可惜太夜啦, 出到尖咀時已大部份關晒, 就係咁就送老細回家後自已再回家 =.=

25/12 - 終於有日可以有日休息 ZZZzzz.... (還有老友 Terry 出發去旅行, 希望佢旅途愉快啦 ^^)

26/12 - 要到老細到整電腦, 整完就返屋企同阿媽慶祝生日食飯, 咁就過一日 =.=

12/12/08 @ 紅磡都會海逸 - 公司中午 buffet

12/12 星期五公司請食聖誕飯, 日頭無食早餐, 只飯了罐 coffee, 頂到中午, 去紅磡火車站的都會海逸酒店到食 buffet, 全公司都去食, 都幾大陣仗 (入黎咁耐都未遇過全公司總動員出動), 入到去坐係 Leon 同事隔離, 我一開始食左幾隻生蠔, 但發現Leon 同事全程只食甜品, 佢話佢都係只食甜品, 但見佢都食好多, 真係令我大開眼界, 野食都一般, 所以都不多講啦 ==

過左幾個鐘, 個肚就唔多舒服, 返到屋企就要即去廁所, 重要去左幾次, 搞到第2日都同唔到老細出街, 咁就留左係屋企同老友 terry 打 wow 渡過左一天!

6/12/08 @ 尖沙咀 haagen dazs 雪糕火煱篇

近排係接近走貨時期, 日日都好忙, 搞到自已都好少時間, 要隔左個星期先 update blog, 真係 ....

好, 唔好咁頹, 講番 6/12/08, 當日要返工, 又係由返工一路睇錶等收工, 終於到啦, 但老細未收得工, 咁就同好同事 "黎明" 去左 "老麥" 食少少野, 當中覺得同 "黎明" 都幾好傾, 傾到老細打電話黎, 咁同佢分道揚鑣, 直出老尖地鐵等老細大人。

到老細黎到, 咁就直去 haagen dazs 食老細喜歡的雪糕火煱, 記得初初同老細一齊時間唔中都會去食雪糕火煱, 但上年就無去食, 今年再去食番, 一時間浮現返以前好多畫面, 真係百般滋味在心頭, 而雪糕火煱與上次去食既又不同, 個煱都不同左, 不過依然好味, 因為依然同老細一齊食嘛 ^^ (可惜又無影到相, 因為中午都未食實在太肚餓啦 ~~)

食完之後行左一陣街, 再送老細歸家, 老細覺得沒有食肉好似唔知點咁, 咁就去咁 "小金井" 食, 叫左牛肉火鍋, 鹽燒鯖魚, 唔記得咩地蛙 (田雞), 埋單百多元, 都ok既, 之後先到地鐵搵老友 terry 拿份報紙, 之後護送完老細安全回家後, 咁我就歸家, 咁就完成我今日的使命 。

23/11/08 @ Ruby Tuesday (Kowloon Bay)

今天約了老細出街, 為慶祝本少爺的生日, 咁決定去了好少食的"露比星期二"度食 ^^

吸收左之前眼闊肚窄的經驗, 我地2個人叫左3樣野食, mini 漢堡, 燒排骨同燒雞翼, 總括上, 味道都一啦, 不是話太好味, 但都ok既, 不過價錢就貴左少少, 好彩唔係我比錢 ^v^ (原本諗住影番個菜名, 但比個 waiter 姐姐收走左個 menu, 所以唔記得d菜名)

之後去左德福度打左陣機同入左舖頭睇衫後就返歸, 可能有d唔舒服, 所以今天都唔係太精神啦, 希望老細唔好介意啦 >0<
燒排骨


同燒雞翼


mini 漢堡 (最右手邊好食, 最左手邊第2好食, 中間就麻麻地啦~~~)

16/11/08 @ 西貢行山

早前老友佳話佢朋友那邊話搞行山活動, 佢話有無興趣, 之前都希望試下行山, 咁有機會咁更係去啦, 咁就同佳及忠一齊起啦~~

到了今天, 一早約左佳及忠係彩虹地鐵站等, 兩個人都遲到, 佳都係遲少少, 最過份都係忠, 竟遲半個鐘, 不過佢昨晚到老細度燒野食同飲左酒, 但都肯去, 情有可原, 咁就放過佢啦。見到忠, 真係不得了, 竟然著住件恤衫去行山, OMG~~~, 最搞笑係佢唔覺得自已有問題, 依個先係問題嘛, ha ha ^o^

去到西貢先0係茶餐廳度食野先, 食完去左惠康買左支寶礦力行山, 忠再買件衫先行山, 盛惠$29, 真係平到笑, 我地由西貢市區坐的士去到萬宜東壩, 到達後先係四周影相做下 warm up 先, 影完後就開始行, 目的地係破邊洲, 沿途都唔係太累, 但發覺依次的行程唔係太適合初次行山既人去行, 適合有 d 經驗既人去行, 沿途都幾多雜草樹枝佈滿四周, 都幾暗藏危機, 不過我咁好身手, 當然安全回程啦 ^^

不過到西貢先開始累, 三個人就落九龍灣食老麥後返歸, 完成今天的偉大使命

有關破邊洲資料: http://www.oasistrek.com/po_pin_chau.htm


三劍俠大合照 ^^

3-13/11/08 - 好攰的兩星期

依兩個星期, 平日除左工作返工放工, 食飯沖涼睡覺, 唯一既節目就係睇番舊漫畫, 隨手攞本 <城市獵人>, 雖然太耐無睇, 但味道依然, 真係難得!

今個星期, 戇居居係咁等閃電十一人第5集, 但 subject 改左 閃電11人, 唔怪得等咁耐, 真係 ...

自從由三叔處攞返部 "一切大師" , 但都未有時間玩得深入d同了解, 希望抽多d時間啦


閃電十一人 (值得一看^^)

One Piece - 27/10/08 - 2/11/08

今個星期又係一如所料咁忙綠, 但好同事 Jay 由日本强勢回歸, 重幫我買左1件 one piece 衫同送左2個啷啷匙扣, 一個送給我老細一個給我, 去旅行都記得幫我買野同送野比我同我老細, 令我非常感動, 阿 Jay 真係非常的好同事!

我又拿番之前諗住送比老細的 one piece X dragon ball 公仔出黎, 順便一齊影相, 真係開心!!

好同事 Jay 送給我老細的 "喬巴" 啷啷匙扣

好同事 Jay 送給我的 "山治" 啷啷匙扣

One piece X Dragon ball 公仔 (路飛 + 悟空) - 型~~

悶蛋一週 @ 20-26/10/08

今個星期過得好平淡, 因為工作, 瞓覺, 工作, 瞓覺 ... (循環), 今個星期沒有同老細出街, 原本諗住今日夜d出黎打邊爐, 但佢覺得太夜同第日要返工, 而食 Lunch 我又覺得又無咩野好食, 所以無出街只係屋企休息。

另我部 "一切"大師 (手機) 入左廠, 要等三叔整完通知取機, 所以要用番我部第二最愛 "P990i"。 大師, 我等緊你返屋企呀 ~_~

p.s. 因為老友 terry 話我無 update post, 以為我唔寫, 我梗係唔係啦, 只係無乜野好寫所以唔寫, 為免誤會我懶, 今天寫番啦 >v<

愉景新城 @ 18/10/08

少理阿爸篇:
今日 short week, 但要幫老細搞電腦game的事, 所以要去荃灣。 之前已確認可以到去那邊處理, 點知今日去到, 個負責人話個 server 喺台灣果邊 stop 左, 佢地暫事未能處理, 我即時無名火起, 即刻開拖: "唔係呀, 之前己打電話問清楚先黎喎, 又唔係成日得黎搞, 個電話又難打, 唔得早d出聲我唔走出黎啦 ..." 一輪咀之後唔理佢咁多要佢搞掂佢, 就走左去地鐵站等老細黎荃灣行街街。

2人世界篇:
首站係到愉景新城食 Lunch, 原本諗住食第1選擇 , 但因肚餓同唔想周圍搵, 見到第2選擇就去左 <金滬庭京川滬菜館>, 我地就叫左6樣野 (2個人食6樣野, 好多呀 ...) - 小籠包, 春卷, 黑醋排骨, 燒汁炒牛柳, 麻辣鴨舌, 上海粗炒。頭5樣都ok好食 (全部都食晒), 但個上海粗炒老細就話不ok, 可能我對食野要求唔高, 我覺得一般啦 (但都係食唔晒)。 之後去左 Bauhaus, 老細好豪咁買左2千大元的衫褲 (真係有米呀老細), 之後沿路再到南豐中心到再買多幾件衫就凱旋回歸將軍澳, 咁就完左我一天的任務!

特別禮物篇:
有段小插曲, 我今日問老細個問題, 今日佢回覆左個我等左好耐既答案, 成個人開心晒同精神晒, 有晒動力, 老細你真係得既 :>

旺角約會

今日約左老細去旺角剪頭髮, 剪完頭髮去左近旺角火車站既"泉章居"度食飯, 我地原本叫4個餸, 但侍應阿姐同我地講, 叫個3-4人套餐會比齋叫4個餸抵d, 咁就聽佢講叫左個 3-4人套餐, 有一碟招牌鹽焗雞, 炸大腸, 腐乳通菜同生炒排骨, 重有一個湯送. 隻雞ok好, 炸大腸同生炒排骨一般啦, 老細就話通菜無味同個湯同好咸, 但我覺得大致上都 ok 啦. 可能因為同老細一齊食啦, 食咩都好食同從心裏很開心, 因為一個星期只見一日, 但依排太多野做啦, 希望日後得閒d時約返多d出黎見下面啦!

泉章居個舖樣 (因為顧住食, 無影低d野食, 真失策~~~)

~ 一如所到最尾都係食唔晒, 打包左隻雞同生炒骨 ~

之後行左去 Chic 之堡同潮流特區, 但都無斬獲, 到最後行到 VCD 舖買左隻北京奧運開幕 , 看看 ok 就買埋隻閉幕 (咁就過左一日, 時間真係過得快)

老友聚會 > Shakey's Pizza @ 7/10/08

今次係我第1次寫網誌, 自已決定的起心肝, 一路寫落去, 希望留番 d 美好回憶同分享比人知 ~~~


今日同已識左16年既老友 terry 食飯, 去左沙田新城市廣場 Shakey's Pizza 食, 叫左 Pizza, 豬肋骨同雞卷 (菜名唔記得啦~~~) 一路食一路傾, 感覺非常開心, 依一刻真係友情無價!